Transcription
1
Monsieur, après vous avoir remercié bien affectueusement de ce qu’il vous a pleu me faire
2
entendre par Seigneuret secrétaire de monsieur le marechal de Dampville qui me rendit voz
3
lettres du XIIIe, je vous diray que ledit sieur marechal faict tous les apprestz qu’il peult pour
4
assaillir les lieux que les rebelles tiennent ez environs de Nysmes, attendant qu’il aye
5
commodité d’attacquer ladite ville ; et croy que dans ceste sepmaine, il se pourra mettre
6
en campaigne, puisqu’il m’a prié de luy prester l’artillerie de ceste ville, six vingtz
7
quintaulx de pouldres et le plus de balles que je pourrois, à quoy j’ay donné si
8
bon ordre que j’espère les luy envoyer demain matin, ayant bien volu faire courir
9
ceste-cy par les postes pour vous donner advis que je tiens d’ung parent du sieur
10
de Montbrun qui a esté avec luy deux jours entiers, qui m’a dict estre tout certain
11
qu’à mesme temps que ledit sieur marechal fera ses effortz par deça, les rebelles du
12
Daulphiné se remueront en votre gouvernement, et qu’ilz ont des intelligences sur des
13
villes d’icelluy ; a quoy je ne scay si ledit Montbrun consent, mais ledit advis m’a
14
esté donné pour certain, lequel je vous ay volu donner pour prendre là-
15
dessus tel advantage que vous scaurez sagement et prudemment adviser. Et si
16
je vous puis servir en quelque chose, je vous prie me le faire entendre, car je
17
m’y employeray de la mesme affection que je prie Dieu vous donner,
18
Monsieur, en bonne santé, heureuse et longue vie, après m’estre affectionnément
19
recommandé à votre bonne grâce. D’Avignon, ce XXIe de décembre 1572.
20
Votre plus affectioné à vous honorer,
21
aymer et servir comme frère
22
G. Cardinal Darmagnac.